ޝާއިރު އެވިދާޅުވަނީ ހަމަ ހެޔޮކޮށެވެ.

Read Time:3 Minute, 30 Second

އޮތުން މޮޅު ކޮންމެ ވެރިކަމަކަށް… މަތިން ދެއްވާނެ ގަދަ ބާރެއް!

ވޭތުވެ ދިޔަ މާޒީގެ ވާހަކަ ބާއްވާށެވެ. އަދު ޙާލަތާ މެދު ވިސްނާށެވެ. ނާޞިރުގެ ދައުރުން ފެށިގެން އަދާހަމައަށް ވެސް، ފެނިގެން ދަނީ އެންމެ މަންޒަރެކެވެ. ދީން ހަތިޔާރަކަށް ހަދައިގެން ވެރިކަމުގެ ބާރު ދަމައިގަންނަން މަސައްކަތް ކުރާ ތަނެވެ. ތެދެއް ދޮގެއް ބަލައިލުމެއް ނެތި، އިވޭ ކޮންމެ އަޑެއް އިވުނު ގޮތަކަށް އިއްވާން އަޅެފަހެ އަހަރެމެން މިއީ ތާޅަފިލި ތަކެއް ހެއްޔެވެ.؟ ބޮޑު ކާފާ ކުޑަ ކާފުގެ ޒަމާނުގައި، ދީން އޮންނަނީ ވަކި ބަޔަކު ކަމެއް ހާސިލް ކުރަންވީމާ ފިޤުހުންނާ އަރަބިންނާ ތަޅައި ރޯނާ ގަންނަވާފައެވެ. އެބޭކަލަކު ދައްކާ އެންމެ ދަލީލަކީ، ދީނާ ޤައުމަށްޓަކައި ކަމުގައި ބަޔަކު ޤަބޫލު ކުޅަޔަސް…. މާޒީ އަލުން އިއާދައެއް ނުވާނެއެވެ. ދަރީންނަށް ދީނީ ތައުލީމު ނުދީ، ދީނީ ގިއުގަނޑުގެ ތެރޭ ބޮޑުވުމަށް ބެލެނިވެރިން އާރުކާޓީން ކަމުގައި އެދަރީން ބެލުމުގެ ސަބަބުން ޤަބޫލު ކުރާން ދައްޗަސް، ދީނާ ބީރައްޓެހި ޖީލެއް މިހާރު މިއޮތީ އުފަންވެސް ވެފައެވެ. އެންމެ މިސާލެކެވެ. ރާއްޖޭގައި އޮންނަން ބޭނުންވަނީ އިސްލާމް ދީން ކަމަށް އެންމެން ވެސް އިންކާރެއް ނުކުރާނެއެވެ. އަދި އިސްލާމީ ޝަރީއަތް ތަންފީޒު ކުރުމަށްވެސް އިންކާރެއް ނުކުރާނެއެވެ. ނަމަވެސް، މީހަކު ބޯޅައެއް ޖަހައިގެން ތިމާގެ އަތް ކަނޑާން ޖެހޭ ހިނދު… އިސްލާމީ ޝަރީއަތުގެ ހަރުކަށި ވާހަކަ ނޫނީ ދެން އިތުރު ވާހަކައެއް އެމީހާ ނުދައްކާނެއެވެ.ޤިޔާމަތާއި ހަމައަށް ދެމިއޮންނާނެ މިމާތް އިސްލާމް ދީނަކީ ވަކި ބަޔަކު ވެރިކަމަށް އައުމުން އުވި، ވަކި ބަޔަކު ތިބުމުން މަތިވެރި ވާނެ ކަމެއް ނޫނެވެ. ވެރިކަމަކީ ﷲ ދެއްވާ ބާރެކެވެ. އަދި ވެރިކަން ދެއްވާ ފަރާތުން އެވެރިޔަކަށް ނަސްރުވެސް ދެއްވަނީ، އެވެރިމީހާ އުރެދުމެއް ނުގެންނަ ނަމައެވެ. އަދި ވެރިކަން އަތުލައްވަނީ ވެސް ﷲ އެވެ. ޝާއިރު އެވިދާޅުވަނީ ހަމަ ހެޔޮކޮށެވެ. އަހަރެމެން ކޮށިކަމުން ނުވިސްނެނީތާއެވެ